EP54 「忠恕」二字可總結儒家？咩叫「吾道一以貫之」？｜《中國哲學史大綱》（九）

講完《易經》由簡變複雜、《春秋》嘅正名主義，今集要講講孔子嘅忠恕之道。忠恕可以話係儒家非常重要嘅工夫概念，即係君子嘅目標就係要實踐到忠恕，曾子甚至話「夫子之道，忠恕而已矣。」但你可能會覺得奇怪，忠心同寬恕點解咁重要呢？明明忠心好容易變成愚忠、寬恕好容易變成左膠。其實咁係因為我哋口中嘅忠恕經歷二千幾年嘅洗禮，意思已經同古人截然不同，今次就要同你返返去古人嘅語境，講講儒家口中嘅忠恕係咩意思。如果你了解到儒家嘅忠恕，或者你就會明白忠恕係由古到今都一樣適切嘅修養方式。今集內容包括：

・其實，忠，係要中你嘅心、恕，係要如你嘅心，並非要人愚忠左膠
・孔子話自己唔係學識好多嘅人，點解咁講？
・《易經》、正名同一嘅關係
・你有無諗過，點解孔子係話「一以貫之」，而唔係「以一貫之」？
・我話基督教、佛教嘅愛係有條件、仁者嘅愛係無條件，此話何解？
・《易經》第一卦同最後一卦，揭示住「對儒家嘅人嚟講，求道嘅路係唔會走到盡頭，所以道唔係終點，道係……」

如果你為世事幻變，感到無所適從，或者孔子所講嘅一以貫之就有助你喺浮沉中感到安定。
_____
Instagram： @cowgortalk
Patreon：patreon.com/cowgortalk
文字版：cowgortalk.wordpress.com